جسر الولع :
من مفرق الأحلام بعدك مارقه
تـتـلـوّن قبالِـك سنيني الغارقه
عالسكت كنـتي تـنحتي تل اللقا
بإزميل لهفة طاب جوري عالقه
بعدو الحنين المنكوي مخـبّى لكي
تعوّد يكـرّج دمع كلما بتـشتكي
ولمّـا شربـتِـك زهزه بقلبي ملك
صرتي عطش والشوق صار المملكي
مرّو عحفّـة مسمعي خيول الندى
شو سحسبو حكايات منّي عالهدا
ولمّا شويت الوقت عاجمر النّـفَس
صار الصدى يلطم على جبـين المدى
غرق الحكي ، برمال لفراق انغمس
وتـشلّعو بواب الصبر لمّـا ابتدا
وبرداية همومي صرت حدّا حرس
حـتى رسمني الليل شمعه منهنها
تسكب دموعا وحولها مافي حدا
ليست هناك تعليقات:
إرسال تعليق